.jpg)
സിനിമയുടെ പിന്നില് പ്രവര്ത്തിക്കുന്നവരെല്ലാം കലാകാരന്മാരാണെന്നാണ് സങ്കല്പം. പ്രത്യേകിച്ചും തിരക്കഥാകൃത്തുക്കളും സംവിധായകരും അഭിനേതാക്കളും. കലാത്മകത, സര്ഗ്ഗാത്മകത എന്നതാകട്ടെ ജന്മസിദ്ധവും. ജന്മസിദ്ധമായ സര്ഗ്ഗാത്മകത കുറവുള്ളവര് നല്ല കലാകാരന്മാരുമായുള്ള സഹവാസത്തില് കൂടിയും കഠിന പ്രയ്തനത്തില്ക്കൂടിയും തന്റെ സര്ഗ്ഗാത്മകത വര്ദ്ധിപ്പി ക്കുന്നതിന് ശ്രമിക്കുകയും അതുവഴി ഒരു ഉത്തമ കലാകാരന് എന്ന നിലയില് അംഗീകാരം നേടിയെടുക്കാറുമുണ്ട്.
ഖാലീദ് റഹ്മാന് എന്ന ഉണ്ടയുടെ തിരക്കഥാകൃത്തിനും സംവിധായകനും ഇപ്പറഞ്ഞ കലാത്മകതയോ സര്ഗ്ഗാത്മകതയോ തൊട്ടു തീണ്ടിയിട്ടുള്ളതായി ഉണ്ട എന്ന ചലച്ചിത്രം കണ്ടിറങ്ങുന്ന ഒരു പ്രേക്ഷകനും അനുഭവപ്പെടുന്നില്ല. ഉണ്ട എന്ന സിനിമയിലൂടെ എന്താണ് ഖലീദ് റഹ്മാന് ഉദ്ദേശിച്ചതെന്നുപോലും തിരിച്ചറിയാന് കഴിയാതെ പോകുന്നു പ്രേക്ഷകര്ക്ക്. തിരക്കഥാ രചനയിലും ചലച്ചിത്ര സംവിധാനത്തിലും കാര്യമായ പിടിപാടില്ലെങ്കില്കൂടി പത്തിരുന്നൂറ് രൂപയും രണ്ടേകാല് മണിക്കൂറും നഷ്ടപ്പെടുത്തി സിനിമാ കാണുവാനെത്തുന്ന പ്രേക്ഷകന് മിനിമം ആദരവ് നല്കണമെന്ന സാമാന്യ മര്യാദപോലുമില്ലാത്ത വ്യക്തിയാണ് താനെന്ന്"ഉണ്ട" എന്ന പേര് തന്റെ സിനിമയ്ക്ക് നല്കുകവഴി ഖലീദ് റഹ്മാന് തെളിയിച്ചിരിക്കുകയാണ്.
ഉണ്ട എന്ന മമ്മൂട്ടി സിനിമ കണ്ടിറങ്ങുന്ന പ്രേക്ഷകന് മമ്മൂട്ടിയുള്പ്പെടെയുള്ള പിന്നണി പ്രവര്ത്തകരെ മനസ്സില് കരുതി പുച്ഛഭാവത്തില് "ഒ ഉണ്ട" എന്ന് മനസ്സില് പറഞ്ഞാല് അതിനവരെ കുറ്റം പറഞ്ഞിട്ടു കാര്യമില്ല.
രവികേശവന്
9447738875
